Digjet një veturë në rrugën Duhël-Prishtinë, nuk ka të lënduar

17:51 | 16 Nëntor 2024
E.K

Një veturë është përfshirë nga zjarri gjatë pasdites së sotme në autostradën ‘Ibrahim Rugova’, drejtimi Duhël-Prishtinë

Rastin e ka konfirmuar për Arbresh.info zëdhënësi i Policisë për rajonin e Prishtinës, Bajram Krasniqi. Ai bëri me dije se, fatmirësisht, nuk ka të lënduar nga ky incident.

Sipas tij, si pasojë e këtij incidenti, trafiku po zhvillohet vetëm në një shirit.

“Rreth orës 17:10, policia është njoftuar se në autostradë drejtimi Duhël-Prishtinë, një veturë është përfshirë nga zjarri. Nga ky rast nuk ka persona të lënduar. Njësitet policore, zjarrfikësit dhe kompania për mirëmbajtjen e autostradës kanë dalë në vendin e ngjarjes. Për momentin trafiku po zhvillohet vetëm në një shirit”, tha Krasniqi./Arbresh.info